“Enkontru ne’e regularmente hanesan kompetensia Komisaun Funsaun Públika entermus de desiminasaun Dekretu Lei sira ne’ebé relativamente ba iha adminitrasaun públika no mós ba iha servisu funsaun públiku ninian, ne’ebé dekteru lei númeru 27/2016”, dehan Komisáriu KFP Asuntu Dixiplinar, António Freitas, iha Ministru Defeza, Fatuhada, Sesta (31/5).
Nia esplika, Dekretu Lei númeru 27/2016 ne’e kompetensia tomak konsentra iha Prezidensia Konsellu Ministru, maibé KFP mós iha dever atu bele desimena dekretu lei ne’e ba funsionáriu sira para entende.
Nia hatautan, dekretu lei númeru 22/2017 ne’e dalabarak funsionáriu sira ejize kona-ba memoria instituisionalmente, tanba balun asume kargu hanesan diretór nasional, diretór jeral no seluk tan, bainhira remata nia mandatu la hetan ona oportunidade ba kargu seluk, entaun memória instituisional ne’ebé durante ne’e sira investe no estadu investe iha sira dalaruma la uza.
Maibe liuhusi dekretu lei ne’e mak bele koresponde ba preokupasaun ne’e, hodi nune’e sira iha boa vontade hodi aplika ba rejime seniór profesionál dekretu lei nú. 22/2017.
Entretantu Diretór Jerál Administrasaun Ministériu Defeza hateten, desiminasaun ne’e bazeia ba programa ne’ebé Ministru Defeza planu ba 2019 para KFP mai sosializa lei ne’ebé funsiona iha funsaun públika.
Nia hatutan, relasiona ho kestaun sira ne’ebé komisáriu sira hatoo kona-ba servisu diretór jeral nian, inspetor nia servisu no papel fúnsionáriu sira ne’e, hanesan motivasaun ba servidór estadu iha Ministeriu Defeza ne’e hodi bele ezerse ho diak liután iha futuru.