Tanba, sidadaun Xineza ne’ebé halo viajen mai Timor-Leste ho aviaun Airasia iha loron sábadu (20/03), maske governu deside ona serka sanitária no konfinamentu domisiliáriu obrigatóriu iha Munisípiu Dili, to’o loron 2 fulan-abril tinan 2021 .
“Ema sira ne'e, traballadór sira iha portu tibar, governu foti desizaun ida ne'e iha semana hirak liu ba molok situasaun transmisaun lokál iha munisípiu Dili”, dehan Rui, liuhusi zoom conference, domingu (21/03), wainhira hatan kona-ba pergunta jornalista.
Pergunta ne’ebé jornalista husu ba Rui, tanba saida governu Timor-Leste fó autorizasaun ba sidadaun xineza na’in-154 tun iha Aeroportu Nikolao Lobato horsehik (sábadu) bainhira governu Timor-Leste sei halo lockdown ba nia ema sira?.
“Obriga governu foti desizaun atu impoint serka sanitária nian tanba ida ne’e mak nafatin sira-nia viajen la’o”, afirma Rui.
Sidadaun Xineza ne’ebé mai Timor-Leste kumpri hela autokuarentina durante loron 14 no teste PCR ho rezultadu negativu mak foin bele sai.
“Sira tun sira na'in rasik mak autokuarentena ho sosializasaun ka fiskalizasaun husi autoridades polisiais ho autoridades Saúde ninian iha Timor-Leste”, deklara nia.(*)
