Deputadu Domingos Soares hatete, wainhira atu temi ka ko’alia buat ruma ba Maun Boot Xanana Gusmão, presiza tetu hamutuk, nune'e ko’alia buat bele ko’alia , no buat ne’ebé labele presiza labele ko’alia.
"Ha’u repete tan dala ida, Maun Boot Xanana nia naran ne'e lulik, ba ita atu temi komforme ita-nia hakarak”, deklara nia iha plenária PN, segunda (22/03).
Ho deklarasaun ne’ebé Bankada Fretilin fó sai hodi sita Xanana Gusmão dehan covid-19 ne'e, nu’udar covid-19 politika, mak bankada CNRT husu atu deputadu ko’alia tenke bazeia ba faktu tanba (Maun Xanana) nia nunka halo konferénsia, nu’unka bolu mídia fó sai deklarasaun ne'e iha públiku katak covod-19 ne'e politika.
"Ne’ebé ko’alia ne'e sukat-an ba, malu sira hotu, ita na’in-65, partidu mak ida-idak nian ba, mais maun Xanana ne'e ita hotu nia maun boot, ne’ebé labele hafoin maun Xanana nia naran iha públiku hanesan ne'e”, hatete nia.
Hatan ba kestaun ne'e deputadu bankada Fretilin, Antonino Bianco hatete, laiha ema ida lulik liu fali maromak, maibé ema hotu iha mundu ne'e mesak sala na’in hotu.
"Laiha ema ida mak lulik liu maromak, ema hothotu mesak sala nain hotu”, deklara nia.(*)