Konsileiru KTAOX, Amaro da Costa 'Susar' hatete, oitavu governu inkapasidade, tanba, atividade hotu sai paradu iha situasaun Covid-19.
"Oitavo Governu la konsege ou inkapasisade solusiona pandemia Covid19, ne'ebé rezulta povo agora hamlaha, prosesu aprendizajen estudantes husi nivel pre-eskolar to'o ensinu superior paradu totál, atendementu saúde paradu totál”, dehan nia iha sede KTAOX palapasiu, tersa (23/03).
Tanba, konsidera krize polítika hahú husi tinan 2017 mai to'o agora mak, obriga KTAOX, afirma, pozisaun katak, deskorda tebes ho situasaun ne'ebé dadaun la'o iha rai laran.
Hahú husi tomada pose Prezidente Repúblika, Francisco Guterres ‘Lú Olo’ nu’udar simbolu estadu, la garante estabilidade estadu direitu ne'ebé konsagra iha konstituisaun Repúblika Demokrátika Timor-Leste, artigo 74.
Nune’e mós makina estadu paradu totál, ne'ebé afeta bá sustentabilidade polítiku, eonomiku, sosiál.
"Haree ba iha pontu tolu mak, polítika vingansa mosu hodi prezudika dezenvolvimentu nasionál tun to'o baze mak, lori Klibur Tane-Aas Obra Maun Boot Kay Rala Xanana Gusmão, deklara katak, ami deskorda tebes ho situasaun ne'ebé mak agora la’o dadaun”, dehan nia.
Maibé apela bá forsa hotu ne'ebé hamahan-an iha Klibur Tane-As Obra Maun Kay Rala Xanana Gusmão makhanessan, veteranu, antigu konbatente rezistensia, kaixa klandistina, nomós organisasaun, arte rituál, arter marsiál, organisaun joventude loriku asuwain, inan-aman, maun-alin, inan feton sira atu hamutuk ho maun boot hakmatek nafatin hodi kontribui bá dame no pás. (*)
