Ministru Asuntu Parlamentar no Komunikasaun Sosiál (MAPKomS), Francisco Martins da Costa Pereira Jerónimo, hala’o enkontru ho Sentru Integradu Jestaun Krize (SIJK), Francisco Guterres hodi ko'alia kona-ba komunikasaun no informasaun kona-ba Covid-19 ne'ebé fó sai husi mídia.
Relasiona ho sorumutu ne'e, Diresaun SIJK husu ba MAPKomS atu ba oin Ministériu provinensia/nomeia reprezentante husi MAPKomS atu sai ponto vokal iha SIJK hodi nune'e bele iha koordenasaun di'ak hodi kombate informasaun falsa (Hoax).
" Sira husu atu provinensia ou nomeia reprezentante husi ministeriu,atu sai ponto vokal iha SIJK atu nune'e bele iha koordenasaun di'ak, liuliu haree liuba mídia no mós informasaun sira ne'ebé mak SIJK presiza atu fó sai”, dehan Francisco iha Palásiu Governu, tersa (23/03).
SIJK mós husu MAPKomS atu servisu hamutuk entre institisaun rua (SIJK ho MAPKomS) hodi bele kombate informasun falsa (Hoax) nomós providensia informasaun lolos ko'alia kona-ba covid19.(*)
