Deputadu Patrocino Fernandes dos Reis hatete, nia parte lamenta ho fós ne’ebé governu fahe ba estudante Universitáriu sira, fós barak mak aat no fohuk ona mais governu lori ba fahe de'it ba estudante.
Nia husu governu se laiha ona kapasidade atu rezolve povu nia moris, di’ak liu foti liman no labele lori fali fós aat ba estudante ne’ebé presiza duni apoiu.
"Povu hamlahan iha fatin-fatin, horseik lori tan fós ida be fós aat, fahe ba estudante sira, fós ida fohuk ona ne’ebé tuir lolos fó han fahi, lori ida ne'e mak fahe ba estudante sira, ne'e hatudu saida, se laiha ona kapasidade atu sai hanesan governantes ka governu ne'e hatete ona katak laiha ona kapasidade atu rezolve problema di’ak liu foti liman”, afirma nia iha PN, tersa (23/03).
Maibé, deputadu bankada FRETILIN Antoninio Bianco hatete, normalmente iha distribuisaun fost ba estudante ne'e, sempre iha saka ida ka rua mak dala ruma at maibé la'os maioria.
Tanba, molok halo distribuisaun fós ba estudante, komisaun D enjeralemente ba observa direta iha armazen CLN nian, no nota katak fós barak mak sei di’ak .
"”Karik iha fós saka ida ka rua mak aat, ida ne'e normal buat ne’ebé akontese”, hatete Branco iha PN, kuarta (24/03).
Maibe, estudante sira simu sente katak sei la dun di’ak bele fó hatene sai para troka fali tanba simu ai-han atu simu ida di’ak maibé la’ós simu buat ne’ebé at.
Nornalmente governu sempre iha objetu atu fó sasán ne’ebé di’ak, maibé karik iha distribuisaun ne'e mak buat balun aat ka dodok, ida ne'e estudante bele fó hatete sai para labele sai vítima.(*)