Maibé Sekjer Fretilin Mari hatan hodi dehan deklarasaun ne’ebé Xanana fó sai Lagu Lama, tanba bainbain ona mosu iha públiku

Xanana ne’ebé akuza líder Partidu Fretilin ne’e, tanba nia iha dokumentu kompletu kona-ba simu subornu husi empreza refere.

“Ha’u mak halo akuzasaun kontra Dr. Mari katak nia simu suborno husi ConocoPhilips, tan ne’e ha’u tenke sai arguidu”, deklara Xanana Gusmão liuhusi konferensia impresnsa iha edifísiu GMN TV, Bebora, segunda, (29/03).

Líder Rejistensia ne’e, prontu hatudu dokumentus hirak ne'e, bainhira sai argidu ba tribunal relasiona ho keixa ne'ebé, Mari Alkatiri hato'o ona ba Ministériu Públiku.

“Durante prosesu negósiasaun Fronteira Marítima ho Austrália, iha Komisaun Konsiliasaun, ha’u sempre lori dokumentu ConocoPhilips nian ne’e, preparadu atu hatudu karik presiza”, dehan nia.

Ho ida, nia fó orientasaun ba membru Komisaun Políka Nasionál Partidu Congresso Nacional da Reconstrução Timorense (CPN-CNRT), hodi foti kestaun subornu husi Conoco Philips ba Mari Alkatiri, la'ós sira-nia inisiativa rasik.

Tanba ne’e, Ulun boot CNRT, ejize Ministériu Públiku (MP) atu fó notifikasaun ba nia hodi sai argidu iha Tribunal, maske MP la fó notifikasaun ba nia.

Ba dokumentu ne’ebé lori akuza líder Partidu Fretilin ne’e, Xanana hein Ministériu Públiku bolu fali nia nu'udár arguidu, hodi aprezenta evidénsias no dokumentu ne’ebé rai hela.

Hatan ba deklarasaun Kay Rala Xanana nian, Sekretáriu Jerál Partidu Fretilin, Dr. Mari Alkatiri dehan, hahalok sira ne’ebé mosu iha públiku, la’ós buat foun ruma.

Ba www.tempotimor.com Mari Alkatiri hatan ba alegasaun ne'e ho lian simple dehan “Lagu lama" (Kantiga antigu). (*)