Ministru Justisa Manuel Cárceres hatete, iha proposta alegasaun nne'e mak sei fó autonomia ba MP, garante efikasia no efisensia servisu, kria mós gabinete kontra korupsaun, kontisouzu ba estadu no kria mós kurauzu ba labarik minor idade sira inklui feto sira.
“Sira ne'e hotu mak presiza halo alterasaun e tama hotu iha alterasaun ida foun”, dehan Manuel iha PN Dili, tersa (30/03).
Husi audensia ho deputadu Komisaun A Parlamentu Nasionál (PN) rasik hetan konsesus ida katak avansa ba espsialidade, no hein bainhira Komisaun A marka kalendariu ba halo diskusaun espesialidade.
Governu reprejenta hosi MJ hamutuk ho deputadu komisaun A sei diskute hodi hetan tan konsesus iha espesialidade hafoin kontinua lori fali ba plenária hodi halo aprova estatutu refere.
"Kleur demais, tenke adapta ba ita-nia realidade, alterasaun ikus liu halo iha 2011, tinan 9 ona, Iita agora iha nesesidade oin-seluk ona, evolusaun justisa nian oinseluk ona, estatutu MP nian mós tenke adapta tuir ita-nia evolusaun kondisaun real agora dadaun, ne'e intesaun polítika governu nian mak ida ne'e”, dehan nia.
Maske governu mós hato'o proposta lei seluk atu altera hanesan organizasaunjudisiáriu, no fungsionamentu tribunal nian, estatutu majistradu juis sira-nian inklui MJ sei haree dekretu lei hodi altera estatutu lei defensór públiku nian.
"Ne'e hotu kuandu ita aprova tiha lei organizasaun judisiáriu, fungsionamentu tribunal sira ne'e para depois sira bele adapta estatutu sira ho lei ida-ne'e”, afirma nia.
Entertantu, deputadu Komisaun A asuntu justisa halo audénsia publika ho Governu liuhusi MJ, Defensória Públiku no MP hodi deskute kona-ba PJL Númeru 23/V/3ª alterasaun estatutu Ministériu Públiku iha Sala Konferensia Parlamentu Nasionál Dili.(*)