Deputada bankada Partidu Libertasaun Populasaun (PLP), Abel Pires hatete, dadaun serka sanitária Munisípiu tolu hanesan Dili, Vikeke, no Bauakau halo atividade barak mak labele la'o, ho ida ne'e automatikamente nesesidade internet sei aumenta boot liután, tanba ema barak mak sei uza internet ka online.
Maibé, ho velosidade rede telkomnikasaun ne’ebé oferese husi kompaña sira la dun fó benifisiu tuir kliente sira-nia hakarak.
"Iha parte ida ne'e, situasuan ne’ebé difísil, ha’u hanoin atu rezolve situasaun internet ne’ebé mak elentu teb-tebes, iha rua de'it mak posibilidade, governu bele obriga Telkomsel para aumenta sira-nia kapasidade, ou hamosu dekretu lei ida para fó biban ba kompaña sira seluk atu halo ligasaun internet ba iha Indonézia, ou ba satelite”, hatete nia iha debate renovasaun estadu Emerjénsia ba dala 12 iha plenária Parlamentu Nasionaá, kuarta (31/03).
Kapasidade liña telkomnikasaun iha rai laran, opsaun rua ne'e mak bele rezolve, tanba haree ba kondisaun ida agora ne'e, mesmu kapasidade rede telkomnikasaun ne'e ki'ik maibé númeru utilizadór internet kada loron aumenta ba bebeik.
kestaun rede internet ne'e presiza iha aumenta, atu-nune'e estudante sira bele asesu materia liuhusi online, no ekipa traballadór ka funsionáriu sira mós bele asesu sira-nia servisu liuhusi internet de'it, nesesidade ba divertimentu mós bele asesu internet de'it.
Deputada bankada Frente Mudansa (FM), Isabel Ximenes husu ba Governu atu buka solusaun ba kondisaun rede telkomnikasaun ne’ebé dadaun afeta ba estudante inklui atividade privadu sira iha Timor-Leste.
Ba kestaun ne'e Primeiru Ministru (PM), Taur Matan Ruak hatete, governu rejista ona preokupasaun hirak ne’ebé levanta husi destintu deputadu sira, no espera katak governu sei buka solusaun hodi bele responde kestaun sira ne'e. (*)