Ministru Prezidensia Konsellu Ministru, Fidélis Magalhães hatete, aprovasaun ne’e halo atu reforsa estrutura organika servisu SEKoop.

Aprova mós, ho alterasaun, projetu Dekretu-Lei ba alterasaun dahuluk ba Dekretu-Lei nu. 22/2019, loron 31 fulan-jullu, kona-ba Orgánika Sekretaria Estadu Kooperativas, ne’ebé aprezenta husi Ministru Koordenadór Asuntus Ekonómikus, Joaquim Amaral no husi Sekretaria Estadu no Kooperativa, Elizário Ferreira.

Fidélis esplika, iha alterasaun ne’e atu aumenta efikasia, efisiensia no kualidadr servisu nian tuir lei.

“Alterasaun ne’e ho objetivu atu reforsu estrutura órgaun sira servisu Sekretaria Estadu nian, hodi hetan meiu sira ne’ebé permite atu aumenta ninia efikásia, efisiénsia no kualidade servisu nian ne’ebé tuir lei iha devér atu presta, hodi atinje kreximentu ekonómiku no hodi konsolida modelu kooperativa iha área finanseira no la’ós-finanseiru”, afirma Fidélis liuhusi Komunikadu Imprensa, kinta (01/04). (*)