Apoiu umanitária ne’ebé governu Japaun oferese ba Governu hafoin bele organiza no deside oinsá entrega ba vítima sira.
"Atu apoiu governu TL hodi fó assiténsia ba vítima sira, JICA apoiu manta rihun 5 ba Sekretáriu Estadu Protesaun Sívil", haktuir reprezentante JICA iha TL, Goto Ko, iha komunikadu imprensa ne'ebé www.tempotimor.com asesu ohin iha Aeroportu Internasional Nicolau Lobato, domingu (11/04).
Apoiu asiténsia sira ne'e sei entrega ofisialmente husi reprezentante JICA iha TL, Goto Ko, no akompaña husi Hirashima Shusaku, nu'udár enkarregadu husi embaixada Japaun iha TL, reperejentante MInisteriu Negósiu Estranjeiru no akompaña mós husi Sekretáriu Estadu Protesaun Sívil (SEPS), Joaquim Gusmăo dos Reis.
"Hafoin ne'e, asisténsia hirak ne'e sei distribui direta ba vítima sira ne'ebé afetadu kalamidade", haktenik nia.
Iha oportunidade ne'e, hodi povu Japoun nia naran, JICA TL hato'o kondolénsia no solidariedade ba vítima sira ne'ebé lakon vida no sasán sira hela fatin ne'ebé kauza husi kalamidade ne'e.
"Governu Japaun nafatin firme no kompromete atu fó apoiu no asiténsia iha prosesu no konseitu "hari'i filafali ho di'ak liu/ build back better”, hatete nia.
Entretantu, asisténsia hirak ne'e transporta husi Japaun to'o iha Aeroportu Internasionál Nicolau Lobato Komoro, iha domingu (12/04), oras tuku 15:00 otl, ho númeru aviaun voo GM307.(*)