"Ha'u- nia aman atu hodi ba hakoi iha Metinaro hanesan animal ne'e ami família la simu, animal ne’ebé mak ema hakiak ne'e mate de’it na’in sei buka tuir, ha’u-nia aman atu hodi ba hakoi fali hanesan animal ne'e ha'u lakohi, depois dehan ba hakoi iha Metinaro ne'e família ida de'it mak ba asiste, ida ne'e ami la simu”, dehan nia iha ospital Vera Cruz Kaikoli, segunda (12/04)

Nu'udar oan mane boot sente laran moras no lakohi nia aman atu hodi ba hakoi iha Metinaru

"Ha'u sente triste loos tanba ha’u-nia apa moras kabun bubu no struck fulan 1 ona, horseik moras ne'e ataka makas ha'u-nia apa entaun iha tuku 6 lorokraik ne'e ami hodi ba ospital Nasional to'o iha ospital tuku 7 kalan, no sira halo kedan teste swab ba ha'u-nia apa, no liu tiha minutu 15 hanesan ne'e sira informa fali katak ha'a-nia pai pozitivu Covid-19, no ha'u-nia ama ho alin feto la pozitivu fali”, afirma nia,

Tanba ne’e la aseita nia amam ba hakoi iha Metinaro. “Ha'u-nia aman la'ós moras Covid, se ha’u-nia aman mak moras covid karik ami foti liman, maibé ha'u-nia aman ne'e tuir lolos ne'e hakotu iis ona iha uma, tanba nia iis ne’e iha hirus matan de’it ona mak hodi ba ospital ne'e”, dehan nia.

Matebian Armindo Borges husi Munisípiu Ainaro, Postu Administrativu Ainaro, Suku Manu-tasi, Matebian ho idade 47 iha oan na'in-7, feto 3 mane 4. (*)