Governu Timor-Leste rasik simu ona apiu umanitária husi estranjeiru hanesan Austrália, Estadu Unidu Amerika, Xina no Indonézia inklui embaixada sira iha Timor-Leste.

"Xina agora apoiu ita hamutuk 106 mill dólar amerikanu para operasional ne'e ba protesaun sivíl, apoiu mos 100 mill ba The World Food Programme (WFP) para jere ba ajudu umanitária, Amerika ajudu 100 mill dollar amerikanu, ida ha’u hatene liuhusi The International Organization for Migration (IOM) mak jere atu ajuda ita-nia vítima sira e sira seluk ne'e apoiu hahán mak barak liu mai iha ita-nia sentru operasaun iha protesaun sivíl”, dehan Joaquim iha Aeroportu Internasional Prezidente Nicolau Lobato Komoro, Dili, segunda (12/04).

Austrália sira apoiu liuhusi ajénsia parseiru umanitária inklui individual ne'ebé dadaun ne'e hahú rekolla dadus, governu Xina apoiu orsamentu ba operasionál ba SEPs inklui mós ba WFP, enkuantu EUA apoiu osan liuhusi IOM enkuantu nasaun balun liuhusi Cruz Vermelha.

Mundu internasional liuhusi hetan atensaun makas mai Timor-Leste hafoin udan akonpanã anin hamosu inundasaun, tuir dadus husi SEPs provizóriumente dadaun ne'e ema mate 46, ema ne'ebé iha fatin refuziados hamutuk 12.378 ba 43 sentru evakuasaun husi uma-kain 4.590 afeitadu.(*)