Tanba, Fundasaun Ahisaun ne'e, sai hanesan mahon ba ema ho difisiensia ne'ebé lokaliza iha parte Fatuhada.

Prezidente Innstitutu Jestaun Ekipamentu (IJE,ip), Ermenegilda da Costa Laurentina hatete, sira konsege ateru ona ponte fundasaun Ahisaun ne’ebé antes ne’e kontu.

“Sim, parte IJE loron rua liuba ha’u hetan kontaktu husi Señor Sildonio, manajer Aisahun nian katak, atu husu ajuda ba IJE tula rai henek ba ateru sira-nian fatin iha JL Villa nian, ami finaliza ona kona-ba ida ne’e”, dehan nia iha kna’ar fatin kolmera, tersa (13/04).

Maske, Dezastre naturál ne’ebé sobu ponte refere, maibé parte IJE seidauk hatene no oinsá atubele hadi’a.

"Kona-ba atu hadi'a ne’e ha’u seidauk iha informasaun, maibé saida mak ami halo, ha’u haruka tékniku sira ateru ona fatin ne’eba no finaliza ona, agora ita-nian mak ema bele movimenta ba mai”, afirma nia.

Nune'e mós, Fundadór Fundasaun Ahisaun, Padre Adri Ola Doli agradese tebes ba servisu IJE, tanba bele tulun hodi ateru ponte refere.

"Ha’u husu obrigadu ba iha parte IJE , tanba bele ajuda ona mai hodi ateru ami nian ponte, ida ne’e bele ajuda maluk difisiensia sira bele la’o ba mai", Agradese. (*)