Login to your account

Username *
Password *
Remember Me

Doutór Sergio: Mate isin Covid-19 profisionál saude trata, 'Bele Entrega ba Familia'

Doutor Sergio Lobo wainhira tama iha komisaun ne'ebe estabelese husi Governu hodi serbisu ba prevensaun no kombate COVID 19 iha fulan Marsu 2020 Doutor Sergio Lobo wainhira tama iha komisaun ne'ebe estabelese husi Governu hodi serbisu ba prevensaun no kombate COVID 19 iha fulan Marsu 2020 Foto Arkivu

Tempotimor (Dili)- Doutór Espesiálista, Sergio Lobo, esklarese, bainhira ema mate tanba moras Covid-19, husik profisionál saúde sira mak halo tratamentu hodi tau iha fatin seguru.

Tuir nia, prosedimentu lolós, kuandu mate isin pesoál profisionál sira hamos, dezinfekta, tau tiha ona iha fatin seguru, ema bele besik distansia metru ida. Importante mak labele loke saku ne’ebé profisional saúde sira uza atu falun mateisin, no labele hakuak mate isin.

Pasiénte Covid-19 sira bele mate iha uma ka mate iha fatin izolamentu. Preparasaun mate isin iha faze rua. Faze primeiuru mak hasai mate isin husi kama ne’ebé nia toba atu lori ba mortuariu, no faze seluk mak lori nia husi mortuáriu ba uma ka fatin hakoi. Iha faze rua mak profisional saúde sira tenke halo preparasaun.

"Iha pasiénte balu ne’ebé antes atu mate simu hela soru, oksizejiu ou tau hela instrumentu médiku oioin. Kuandu sira mate, presiza kuidadu tebes wanhira hasai soru, kateter, no sasán sira seluk ne’ebé pesoál saúde tau ba nia isin”, dehan Lobo ba www.tempotimor.com asesu, tersa (13/04).

Maibé, profisionál saúde sira tenke kuidadu atu matebian nia inus ben ka likidu sira ne’ebé sai husi isin labele kontamina fali sira ka sasán sira seluk ne’ebé sei uza atu falun nia.

Tanba ne’e mak profisionál hotu ne’ebé halo preparasaun ba mate isin tenke uza ekipa protesaun individual (EPI) kompletu.

Durante preparasaun sira ne'e di’ak liu família dok uitoan, Kuandu besik tenki tau mos EPI, bainhira to’o ona mortuariu no atu lori sai mós jeralmente prosedimentu hanesan.

Haree ba tratamentu ka preparasaun mate isin profissional saúde sira mak tenke halo, hafoin bele hatama mate Isin iha saku impermeavel no bele husik família halo serimonial kultural ka relijioza tuir ida-idak nia lisa.

“Importante mak labele loke saku plastik ne’ebé falun mate isin no labele halo kontaktu diretu ho mate isin. Kuandu hamos tuir prosedimentu ka protokolu ne’ebé WHO rekomenda, no enkuantu laih akontaktu diretu ho mateisin, ita bele iha serteza katak posibilidade atu hetan transmisaun husi mate isin kiik tebtebes”, dehan nia.

Parte nia hanesan ema sientista, deklara, bainhira profisionál sira tau ona iha fatin seguru bele hakoi iha Semitériu ne’ebé de’it.

"Hanesan sientista, hanesan médiku tuir ha'u-nia haree kuandu ita tuir ita-nia protokolu sira hamos mate ne'e di-di'ak tiha ona, hatama tiha ona iha saku seguru, kaixaun seguru bele hakoi iha kualker iha rate ida laiha problema, tanba ida ne'e la'ós hanesan ebola", afirma nia.

Nia esplika moras Ebola seluk, nia likidu sira ne'e bele transmiti ba iha fatin hotu, maibé Covid-19 ne'e, mezmu hetan Covid, depois virus ne'e sai, maibé transmite ladun maka’as .

"Ne'e mak hanesan ohin ha'u hatete, kuandu mate ne'e ita prepara no hamos ho didi'ak, ita tuir prosedimentu protokolares hothotu ne'ebé aplika ba tratamentu mate ne’ebé, nia laiha posibilidade atu transmiti mai ita”, dehan.

Tuir protkolu WHO mate isin sei bele lori ba uma, maibé tenke kumpre regra distansiamentu sosial no tenke halo serimónia sira iha tempu badak de’it.

Haree b Vírus hothotu, inklui SARS-CoV-2 ne’ebé kauza Covid-19, funsiona hanesan USB drive ne’ebé uza beibeik. Tanba USB-drive bele kopia, rai, transporta, vizualiza no transfere dadus sira ne’ebé nia armazena iha nia laran.

Maibé karateristika sira ne’e hotu so funsiona de’it wainhira hatama USB iha komputer, liuhusi kompoutadór mak port USB. (*)

Rate this item
(0 votes)
Last modified on Tuesday, 13 April 2021 21:10
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter