Login to your account

Username *
Password *
Remember Me

SIJK Entrega Mateisin Armindo ba Xanana ho Família 

Ambulansia neebé prepara husi SIJK, transporta sai ona mate isin husi sala izolamentu Verra Cruz no prepara atu lori ba metabian nia uma iha Komoro, Kampung Baru, kinta (15/04/2021). Ambulansia neebé prepara husi SIJK, transporta sai ona mate isin husi sala izolamentu Verra Cruz no prepara atu lori ba metabian nia uma iha Komoro, Kampung Baru, kinta (15/04/2021). Foto Tempo Timor

Tempotimor (Dili) - Sentru Integradu Jestaun ba Krize (SIJK) entrega ona mate isin Armindo Borges ba família no Prezidente Partidu CNRT, Kay Rala Xanana iha izolamentu Vera Cruz hodi lori ba uma iha kampung Baru.

Desizaun ne’ebé foti hodi entrega mate isin ne’e kuaze iha oras eklarasaun ne’ebé fó sai iha oras tuku 14:00 otl hodi hasoru malu ho família no líder partidu CNRT.

"Imi la iha ida maka Viva," dehan Xanana ba ema lubun bo'ot iha Vera Cruz, Dili, Kinta (15/4).

Ekipa SIJK ne’ebé komplentu hamutuk ho Diretór Inklui mós ekipa Ministériu Saúde hodi hamutuk entraga mate isin hodi halot tuir kultura.

Antes ne’e, Diretór Sentru Integradu Jestaun ba Krize (SIJK), João Miranda ‘Aluk’ hamutuk ho ekipa sira hasoru malu ho líder Partidu CNRT, Kay Rala Xanana iha Izolamentu Vera Crus hodi tuir desizaun estadu, maibé laiha solusaun.

Ho ida ne’e, Governu deside hodi rai mate isin iha konzelador, tanba mate isin Armindo loron rua ona maibé seidauk iha konkordansia atubele ba halot iha fatia ne’ebé governu deside ona ba Semitériu Covid-19 Metinaro.

Maske, família matebian hamutuk ho Líder Partidu CNRT kontinua ezije hodi lori mate isin ba halot tuir tradisaun, maibé seidauk iha desizaun kona-ba fatin atu halot mate isin.

Antes ne’e, iha kalan tolu Prezidente Partidu Congresso Nacional de Reconstrução Timorense (CNRT), Kay Rala Xana Gusmão hamutuk ho família matebian toba hela iha estrada sala Izolamentu Vera Cruz hodi ejize Governu entrega ba família.

Matebian Armindo Borges husi Munisípiu Ainaro, Postu Administrativu Ainaro, Suku Manu-tasi, Matebian ho idade 47 iha oan na'in-7, feto 3 mane 4.

Matebian ne’ebé antes ne’e sofre moras stroke hemoragic, no karreta ambulánsia foin transporta nia husi nia hela fatin iha Kampung Merdeka, Komoro, Dili atu ba konsulta moras ne’e iha Hospital Nasionál Guido Valadares (HNGV) iha Bidau, Toko Baru, Dili.

Maibé, médiku sira imediata foti pasiente ne’e ba halo swab ho rezultadu positivu Covid-19, nune’e, lori kedan ba Vera Cruz loron domingu (11/04).

Aliende matebian nia membru família na’in-tolu ne’ebé halo teste swab husi rezultadu hatudu na’in-rua detetadu pozitivu surtu Covid-19 no ida negativu.

Maske,membru família na’in rua afetadu ho COVID-19, mas deside lakolabora ho parte saúde hodi ba kumpri regra ne’ebé fó sai husi Organizasaun Saúde Mundial ba iha sala Izolamentu, maibé hamutuk ho líder partidu CNRT no komunidade balun iha izolamentu Vera Cruz hodi ejize mate isin Armindo. 

Tuir observasaun www.tempotimor.com iha terrenu nota, ohin kinta (15/04), maizumenus iha tuku 14:25 meiudia, kareta ambulansia ne'ebé prepara husi Sentru Integradu Jestaun Krize (SIJK) to'o iha izolamentu Verra Cruz iha Kaikoli atu bele transporta mateisin AB nian lori fila ba uma.

Aleinde ne'e, iha prosesu atu transporta mate isin ne'e, akompañ husi Koordenador jeral SIJK, Brigadeiru Jerál, Joăo Miranda "Aluk Deskartes", Kamodoro, Pedro Donaciano Da Costa Gomes "Klamar Fuik", Padre Domingos Maubere, inklui hetan seguransa másimu husi PNTL ho Falintil FDTL.(*)

Rate this item
(0 votes)
Last modified on Thursday, 15 April 2021 16:33
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter