Tanba, Sala Situação-Centro Integrado Gestão de Crise (SS-CIGC), ne’ebé anunsia katak, Timor-Leste (TL) rejista kazu mate na’in ida, iha loron tersa (06/04) iha fatin izolamentu, antiga ospitál Lahane.
“Hanesan Primeiru Ministru hanesan mós Xefe ba sala situasaun, ha'u husu deskulpa ba família sira, liliu ba família sira ne’ebé hakoi uluk ke.... hakoi la di'ak, ha'u husu deskulpa ba sira,” dehan PM Taur hafoin haforu malu ho Prezidente Republika iha Palásiu PR, kinta (15/04)
Maske nune’e ho haraik aan Taur Matan Ruak husu nafatin komprensaun husi família FG nia hodi tau ema barak nia saúde uluk.
“Ha’u mós husu konprensaun sira nian para ke tau ema barak nia saude ne'e iha primeira lugar”, afirma Taur.
Matebia ne’e FG mate ho idade 44, detetadu iha 24 marsu no halo tratamentu dahuluk iha sala izolamentu Tasi-tolu.
Iha tratamentu dahuluk, médiku-sira halo observasaun ne’ebé hahú mosu síntoma iha 4 abríl lorokraik, no médiku-sira fó atendimentu tuir padraun kazu lizeiru, maibé laiha mudansa.
Tuir observasaun médiku-sira katak, pasiente ne’e mai ho kondisaun grave ka asismetabóliku, iha ninia istória tratamentu moras tensaun ne’ebé laiha kontrola, hodi hamosu problema ba iha rins, ikus-mai rezulta rins króniku ka Chronic kidney failure.
Nune’e, médiku-sira fó duni atendimentu tuir padraun ne’ebé mak iha, maibé to’o ohin dadeer pasiente ne’e hakotu iis.
Kona-bá inisiál hosi matebian, SS-CIGC mak sei fó-sai ofisialmente no planu tuir-mai sei trata matebian nia-isin hanesan pasiente ne’ebé mak mate ho COVID-19.
Tanba ne’e, ekipa Ministériu Saúde (MS) sei serbisu hamutuk ho Ministériu Solidariedade Sosiál no Inkluzaun (MSSI), nomós ekipa husi Ministériu Administrasaun Estatál (MAE) atu bele hala’o prosesu funerál. (*)