Portavoz Família, Francisco Ximenes hatete, prejensa família nia iha SIJK hato'o sujestaun ligadu ho prosesu funeral matebian FG atubele hadi’a servisu iha futuru.

"Lamentasaun lubuk ida husi família la'ós protesta governu, ne'e la'ós protesta estadu, maibé ne'e hanesan sentimentu umanu, nu’udar ema ami tenke ko'alia sai”, dehan Francisco iha CCD Dili, sesta (16/04).

Tanba matebian FG hafoin hakotu, maibé parte SIJK la hameno família atubele prepara sasán BA matebian tuir kultura Timor. Maske kumpri nafatin protokolu husi Organizasaun Mundial Saúde.

“Tuir kultuta ita-nian ami husi Baukau Laga, mate hanesan ne'e tanba matebian nia oan na'in-2, ida hamutuk ho nia aman iha sala situasaun, Ida oan boot ne'e iha ne'e hela tuir lolos ne'e momentu ba tuir kultura nia oan mane ou feto tenke fó último manazem ba sira-nia inan, maibé ida ne'e mós la akontese tanba tenke hakruk ba protokolu Ministeru Saúde nian," dehan Francisco.

Maibé agradese ba SIJK ne'ebé konvida família FG espresa sentimentu, maske familia nafatin kumpri desizaun husi regra relasiona ho prosesu funeral.

“Momentu ne'ebá, iha lamentasaun barak katak la dignu ho buat sira ne'e hotu maibé ami ho fuan boot, ami hakruk konsege hakoi duni iha situasaun ne'e," dehan Francisco.

Entertantu FG hanesan primeiru pasiénte ne'ebé mate tanba Covid-19, ho Idade 44 no husik hela lain kaben inklui Oan na’in-rua.(*)