Lere : TL Tenke koopera ho EUA reabilita Aeroportu Baukau

Aero portu Baukau Aero portu Baukau Foto Suplai

Tempotimor(Dili) - Xefe Estadu Maiór Jenerál FALINTIL-Forsa Defeza Timor-Leste (F-FDTL), Tenente Jenerál Lere Anan Timur hatete, estadu Timor-Leste (TL) tenke koopera ho Estadu Unidu Amerika (EUA) hodi rekopera reabilitasaun Aeroportu Baukau.

“Ita tenke koopera ho estadu unidus amerika atu hala’o ita-nia rekoperasaun reabilitasaun aeroportu Baukau ne’e. No ha’u dehan se prontu ita entrega ba governu, aeroportu militar ka airoportu sivíl governu mak sei diside, entantu ita labele enterompe kooperasaun ida ne’e”, dehan Lere hafoin enkontru ho Embaixadór EUA iha Kurtel Jeral F-FDTL, Fatuhada, sesta(17/04).

Tanba Embaixadór EUA ko’alia katak aeiroportu Baukau bele to’o ona pursentu 30 ka 40, maibé desizaun politika halo prosesu atraza.

Lere dehan, embaixadór mós dehan bainhira governu la simu presiza hatete ba sira atu preve filafali sira-nia orsamentu.

“Ha’u sei ko’alia ho Ministériu Defeza hanesan mós ita-nia prezidente republika ita tenke aseita no ita tenke simu doasaun ida ne’e”, dehan nia.

Reabilitasaun aeroporto Baukau laiha problema, tanba baze fundamental rekuperasaun aeroportu ne’e atu apoiu ezersisiu hari’i hamutuk tanba sasán todan aviaun EUA lori labele tun iha aeroportu Komoro-Dili.

“Ha’u fó korajen nafatin Sr. Embaixadór labele dezanima. Ha’u sei ko’alia ho politiku sira atu ita-nia aeroportu ne’e la’o e ninia definisaun ba saida aeroportu ba militar ka sivíl ne’e depois mak governu deside”, afirma.

Entretantu Embaixadór EUA iha Timor-Leste, Kevin Blackstone hatete, aeroportu Baukau, sira sei kontinua nafatin halo diskusaun ho Gabinete Vise Primeru Ministru, tanba ne'e prioridade boot ba sira.

Kevin Blackstone dehan, iha nia parte konkorda tebes ho Tenente Jenerál Lere Anan Timur hodi entrega governu atu deside aeroportu refere ba militar ka aeropotu sivíl hafoin reabilitasaun.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« May 2021 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter