"Ami koa osan oituan, ami-nia mak US$2.4 milhões fó ba orsamentu sesta bázika, agora restante ne'e ita haree took desobidensia oinsá, proposta husi parlamentu iha diskusaun tanba governu tenke buka fali fundu ketak ida ba Postu rekunstrusaun”, dehan Salvador iha PN Dili, tersa (20/04).
Relasiona ho orsamentu ba rekonstrusaun infraestrutura ne'ebé estragu impaktu husi inundasaun sei iha parte Ministériu Finansas (MF) no Vise Primeiru Ministru no Ministru Planu no Ordenamentu.
Dadaun ne'e proposta orsamentu rektifikativu hatama ba PN la preve osan ba rekonstrusaun infraestrutura tanba Timor-Leste seidauk hasoru dezastre naturál, enkuantu millaun US$2.4 ne'ebé koa relasiona ho kontribui kada liña hamutuk 7% bainhira halo pagamentu ba sesta bázika.
"Orsamentu rektifikativu ita la preve katak iha kalamidade iha ne'ebá, ne'ebé tanba sesta bázika menus 7 pursentu, momentu ne'e governu hamutuk rezolve liuhusi konsellu ministru dehan kada Ministériu sira kontribui buka halo took ezersísiu, ami buka husi projeitu sira retensaun ne'e”, dehan Salvador.
Dadaun ne’e, PN hamutuk halo debate ba proposta lei númeru 35/V (3ª) Primeiru alterasaun Lei númeru 14/2020 Orsamentu Jerál Estadu (OJE) ho montante millaunUS$223 ne'ebé preve ba Covid-19. Antes ne'e orsamentu MOP ba 2021 hamutuk millaun US$240,6.(*)