Tanba planu hari’i edifisiu foun, estudu viabilidade remata ona iha Eis Prezidente Parlamentu Nasional saudozu Lasama nia tempu hodi hein realizasaun.
"Ho esforsu tomak ne’ebé ita halo, ita buka rai, estudu ne’ebé halo ona iha IV governu konstituisional iha momentu prezidente PN Fernando La Sama nian tempu, halo estudu no mapamentu ne'e ha’u asina hotu ona. No ita defende malu atu wainhira ita-boot (Aniceto) mandatu remata karik, ita halo netik uma fukun RDTL”, hatete nia liuhusi deskusaun espesialidade orsamentu rektifikativu 2021 iha PN, kuarta (21/04).
Pozisaun KHUNTO mós agradese inisiativa PPN aniceto nian tanba kontribui ona osan tokon US$2,5 ba dezastre naturál liuhusi orsamentu privativu PN nian ne’ebé prevee ba projetu estudu viabilidade konstrusaun edifisiu PN iha OJE 2021.
Nu’udar Deputadu foun lamenta no kestiona, tanba iha tinan 21 nia laran konstrusaun ba edifisiuPN seidauk bele realoza.
“Ita-nia uma fukun de'it seidauk iha, ita nafatin uza salaun ida uluk nian ne'e”, dehan nia.
Hatan ba kestaun ne'e Prezidente Parlamentu Nasional (PPN), Aniceto Guteres rekoñese, PN prevee duni orsamentu tokon US$3 iha kategoria kapitál dezenvolvimentu atubele realiza projetu konstrusaun edifisiu Parlamentu foun iha tinan 2022.
Maibé ho situasaun kalamidade covid-19 no inundasaun mak obriga atu halo alterasaun iha espesialidade orsamentu rektifikativu 2021 ho montante tokon US$2,5.(*)