"Kuaze hala’o hotu ona maibe ho situasaun situasaun SS ho EE ne'e rasik difikulta Kompaña sira ne'e balun halo restrisaun ba sira-nia movimentu, satán agora atu sai tenke Swab, sira tenke tuir regra”, dehan José iha Parlamentu Nasional Dili, sesta (23/04).
Maibé, iha semana kotuk kompaña sira hahú distrubui hikas sesta bázika ba komunidade sira iha Dili-laran inklui semana ne'e mós hahú tan iha Ermera no sei halao iha territóriu tomak.
Ministériu mós oreinta no husu ba kompaña sira atu kumpri regra no mata-dalan ne'ebé mak Ministériu fó sai relasiona ho implentasaun EE no SS hanesan tenki teste swab antes halo distribusaun.
Kompaña hamutuk 75 mak hola parte iha MTCI relasiona ho programa sesta bazika no 50 kompaña mak pagamentu ona.
"Sira ne'ebé seidauk ne'e tanba balun seidauk fahe, balun relatóriu seidauk tama, maibé sira ne'ebé relatóriu tama parsialmente pagamentu halo ona ba 50 kompaña”, dehan José.
MTCI rasik orientaun atu kompaña sira tenke hahú fali distribusaun tuir deadline ne'ebé difina ona to’o fulan-Maiu tinan ne'e.(*)