Login to your account

Username *
Password *
Remember Me

CNRT Dúvida Nafatin ho Vasina AstraZeneca

Tempotimor (Dili)- Xefe Bankada husi Partidu Opozisaun Kongresso Nacional de Reconstrusaun de Timorense (CNRT Sigla Portuges), Duarte Nunes hatete, deputadu sira husi Bankada CNRT dadauk ne’e sira seidauk bele tuir vasina AstraZeneca, tanba sei dúvida hela.

Pozisaun CNRT la'ós lakohi ka fó orientasaun atu labele tuir vasina maibé liberdade no saúde ema ida-idak presiza tetu antes vasina.

“La’ós dehan lakohi, ita hotu hakarak maibé ita tenke ho hanoin katak ita labele hetan ita-nia ema sai problema tanba ita hakarak lalais de’it. Ha’u lahatene, ha’u-nia kolega kompañeiru balun keta simu ona vasina karik”, dehan nia iha PN, segunda (26/04).

Ho ida ne'e, to'o agora nia mós seidauk vasina, tanba presiza tempu ba front line sira vasina lai hafoi sira tuir vasina.

"Ha’u la ta’uk mate ida, mate ne’e iha Maromak Nia liman”, hatete nia.

CNRT deside seidauk vasina, la’ós tanba bankada mak fó orientasaun, maibé liberdade ba hothotu atu deside rasik.

Maske la'ós espesialista maibé, hanesan informasaun ne’ebé deputadu ne'e hetan katak, nasuan ne’ebé nu’udar produtor ba vasina AstraZeneca mós bandu labele fó ba ema ho idade 30 mai kraik.

Reforsa ba ida ne'e, Deputada Bankada CNRT, Carmelita Caetano Monis, rekoñese nia mós seidauk simu vasina AstraZeneca tanba konsidera deputadu la’ós liña frente.

“Ha’u seidauk simu vasina. Primeiru, ha’u atu hatete, ha’u la’ós liña frente. Ne’ebé, ita tenke fó oportunidade ba liña frente sira”, hatete nia.

Maibé presiza fó uluk ba ema hirak ne'ebe front line, hanesan saida mak governu halo dadauk hodi fahe ba ekipa liña frente sira, ba ferik no katuas sira-ne’ebé idade tinan 60 ba leten, ema sira-ne’ebé ho moras krónika aas.

Iha parte seluk tuir observasaun www.tempotimor.com membru xave barak husi Partidu ne'ebe lidera husi Lider Karismatiku Kay Rala Xanana Gusmao, nadodon ba simu vasina iha fatin sira iha Dili Laran.

"Ami ba simu mas Ami la'o nonok. Lakohi Bankada hatene. Ita keta halimar ho situasaun ne'e. Ita nia deputadu sira iha osan ba halo tratamentu saude mas ita sira ne'e di'ak liu ba simu tiha," dehan fontes ne'ebe husu labele publika nia naran. (*)

Rate this item
(2 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter