Login to your account

Username *
Password *
Remember Me

Governu Sei Realoka Komunidade Tasi Tolu no Fatin Risku Seluk

Ministru Justisa (MJ), Manuel Cárceres da Costa o'alia ba Jornalista sira hafoin hasoru malu ho Primeitu Ministru Taur Matan Ruak iha Farol, Dili, Tersa (27/4) Ministru Justisa (MJ), Manuel Cárceres da Costa o'alia ba Jornalista sira hafoin hasoru malu ho Primeitu Ministru Taur Matan Ruak iha Farol, Dili, Tersa (27/4) Foto Tempo Timor

Tempotimor (Dili)- Primeiru Ministru (PM), Taur Matan Ruak fó ona orientasaun ba Ministru Justisa (MJ), Manuel Cárceres da Costa, atu prepara dadaun ona rai hodi re-aloka fali komúnidade sira ne'ebé hela iha fatin risku sira.

Ministru Justisa, Manuel Cárceres hatete, Xefe Governu husu Ministériu Justisa atu identifika rai, tanba komunidade sira iha lagoa Tasitolu, Mota Komoro nia ninia no tasi ibun mak afetadu husi inundasaun.

“Primeiru Ministru husu atu identifika rai séi iha posibilidade atu re-aloka ita-nia maluk sira ba fatin foun para depois livre husi ameasa inundasaun ninian”, dehan MJ Cárceres hafoin sorumutu ho Primeiru Ministru, Taur Matan Ruak iha rezidénsia Farol, tersa (27/04).

Tanba ne'e, parte Ministériu Justisa séi fó fali orientasaun ba Sekretáriu Estádu Teras Propriedade atu buka rai mamuk.

“Ita iha rai mamuk balun, estadu nian iha Hera, séi buka mós rai mamuk balun ba iha Tibar nian ne'eba, para depois tama iha planu, sé presiza duni atu halo realokasaun ita-nia maluk sira ba fatin sira ne'e para evita sira ba hela fali iha tasi ibun, rai lolon, bee dalan”, afirma nia.

Rai mamuk propriedade Estádu nian iha área Hera besik ektare 26, no buka mós iha parte Tibar atu prepara hodi realoka populasaun sira ne'ebé hela iha área risku.

Nune'e, parte Ministériu Justisa hahú halo identifikasaun rai mamuk atu Ministériu Planu Ordenamentu Territórial, no Ministériu Obrás Públiku halo ona planu realoka fali populasaun sira. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter