Tempotimor (Dili)-Ministru Prezidensia Konsellu Ministru, Fidelis Leite Magalhães deklara, sidadaun sira ne'ebé lakohi kolobora hodi halo swab teste, governu sei foti desizaun lori sidadaun ba hela iha kuarentena.
“Kuarentena ne'e mós iha tan implikasaun, katak wainhira sidadaun ne'ebé lakohi halo teste swab, nia rasik sei selu kustu ba kuarentena nian”, dehan nia hafoin sorumutu Konsellu Ministru iha edifísiu Ministériu Finansas Aitarak-Laran, kuarta (05/05).
Nune'e, Governu sei inpoin teste swab ba fatifatin, liliu fatin sira ne'ebé kongrega agrega ema barak.
“Teste swab ne'e aplikasaun ba ema hothotu iha Timor-Leste, tanba ne'e mak ita halo alterasaun ne'e iha dekretu governu Nú.14/2021 kona-ba ezekusaun estadu emerjénsia no dekretu governu ne'e nia aplikasun ba territóriu nasionál tomak”, reafirma nia.
Maibé atu halo teste swab ne'e depende ba Ministériu Saúde ninia desizaun bazea ba númeru kazu pozetivu sira. (*)
