"Ami rekomenda ba governu, ida ne'e tenke tau atensaun lalais, tau iha projetu emerjénsia ka ba ne'ebé, mais inportante tenke fó atensaun lalais," dehan nia aldeia Bela-Vista Suku Lahane Osidentál sábadu (15/05).
Kestaun Estrada ne'e bele dehan katak la uza totál ona tanba udan no anin boot, ne'ebé akontese hahú husi tinan 2017, 2020, no 2021 mak konsege estraga hotu tiha.
Maibé, atu hadi'a estrada ne'e, foin lalais komunidade husi aldeia Marabia, Bela-Vista, Ainitas Hun, nomós parte Dare ninian, mak organiza malu hodi ke'e no ateru, hafoin hetan ajudu husi kompaña sira ne’ebé suru rahenek iha mota laran.
"Enkuantu parte MOP ba haree hela de'it mais foin dadauk ami organiza komunidade sira mak hodi hadi’a, agora estrada ne'e aat, konta dehan la uza totál, maibé ami komunidade mak organiza malu ke'e no ateru," hatete nia.
Iha fatin hanesan Komunidade Aldeia Bela-Vista, António da Silva, husu ba governu atu hadi'a lalais estrada ne’ebé hetan estragu iha Lahane Osidental.
"Atu hadi'a ka la'e, ne'e komforme sira (governu) ami hein de'it, mais ha’u hanoin tenke hadi'a estrada ne'e tanba dala hun ida ne'e ema barak liuhusi ida ne'e”, dehan nia.
Enkuantu Estrada diresaun Lahane Osidentál asesu ba munisípál sira hanesan Suai, Ainaro, Aileu, Same. (*)