Tanba, prezidénsia rotativa organizasaun CPLP ne'e kada tinan rua, tenke iha rotasaun, tanba ne'e Timor-Leste posbilidade sei lidera tan dala ida.
“Ha’u ho seu prezidente PN mós ko’alia kona-ba posibilidade ba Timór atu kaer prezidénsia rotativa CPLP nian. Hanesan ita-boot sira hatene kada tinan rua, estadu membru ida mak kaer rezidénsia rotativa”, hatete nia iha PN, tersa (18/05).
Prezidensia CPLP ne'e dadauk Cabu-Verde mak sei lidera hela no sei entrega ba nasaun Angola iha loron 17 fulan-jullu 2021.
“Enkuantu agora ne'e, Kabo-verde mak kaer hela agora iha tinan rua nia laran sei entrega ba Angola iha dia 17 julhu 2021”, dehan nia.
Atu Timor-leste lidera prezidénsia CPLP iha 2023, ida ne'e komforme orientasaun husi líder Timor-Leste nian.
“Ita hein ita-nia líder sira mak deside Timor atu simu mós iha 2023, Simeira ida ne'ebé marka mós prezidensia Timorense”, afirma nia. (*)