“Governu RDTL no Governu Teritóriu Norte ohin asinatura akordu ida husi parseria estratéjiku kona-ba implementasaun kuadru foun estratéjiku nian ba kooperasaun bilateral”, dehan Ministru Negósiu Estranjeiru no Kooperasaun em-ezersisiu, Hermengildo 'Agio' Pereira, iha Palásiu Governu, Segunda (8/7). 

Akordu ida ne’e sei vigora to’o tinan 2022, no iha momentu ne’ebá sei haree no atualizadu, menus ida ka parte rua ne’e hotu sei desizaun pur eskritu. 

Nia dehan, objetivu prinsipal husi akordu 
entre rai rua ne’e mak atu halo esforsu ida hodi halo avaliasaun ba kooerasaun bilateral ne’e rasik.

“Akordu ne’e nia ojetivu prinsipal mak rekoñesimentu no esforsu husi relasaun entre Timor Leste no Teritóriu Norte, hodi haree ba proporsionár kuadru jeral ida atu orienta no avalia esforsu bilateral”, haktuir Agio. 

Akordu estratéjiku ne’e, reprezenta mós kompromisu ida forte ba futuru relasaun entre Timor-Leste no Teritóriu Norte. Hodi implementa asaun kolaborativa hodi benefisia ba sidadaun rai rua ne’e nian.

Akordu ne’e asina diretamente husi reprezentante governu TL, Ministru Estadu Prezidensia Konsellu Ministru Agio Pereira no Ministru Xefe Teritóriu Norte, Honorável Michael Gunner MLA.