Tanba, apoiu insentivu finanseiru ne'ebé governu aprova ona iha reuniaun konsellu ministru hodi ba lideransa suku iha territóriu Timor-Leste (TL) tomak seidauk bele pronúnsia kuatidade kada lideransa.
“Nia kuantidade ba kada ema, kuandu dekretu lei ne'e promulgadu ona, mak ha'u bele pronunsia tuir mai mai ha'u bele fó sai nia valór ba ema ida hira, ha'u labele ko’alia agora purke Prezidente sei haree dekretu ne'e no konkorda mak foin vale”, dehan Ministru Miguel hafoin reuniaun KM iha Ministériu Finansas, kuarta (26/05).
Maske nune'e, governu aprova ona insentivu ba lideransa komunitariu sira hanesan Xefe suku, aldeia, delegadu no delegada, joven feto no mane no lia-na'in sira iha suku sira, tanba durante ne’e hala'o servisu barak iha ámbitu prevensaun surtu Covid-19, nomós inundasaun ne'ebé akontese iha loron 04 fulan-maiu tinan 2021, ba teritóriu tomak.
Tuir dadus MAE nian, autoridade komunitária ne'ebé atu simu insentivu kuaze rihun 8, maibé sei fó de'it ba sira-nia partisipasaun iha servisu durante tinan ida nian.
Hafoin halo aprovasaun ba projetu dekretu lei ne'e, Ministru Prezidénsia Konsellu Ministru (MPKM), Fidélis Leite Magalhães deklara, governu deside ona atu apoia insentiva finanseiru ba Suku sira ho valór orsamentu hamutuk tokon US$2,800 iha territóriu tomak. (*)