Login to your account

Username *
Password *
Remember Me

PR Lú Olo Konsidera FP Ida Iha TL La Hadomi Povu

Lider Karizmatiku Kayrala Xanana Gusmao atual Prezidente Partidu CNRT ne'ebe halibur hela komunidade sira iha Tasi-tolu Dili iha momentu balun liuba. Lider Karizmatiku Kayrala Xanana Gusmao atual Prezidente Partidu CNRT ne'ebe halibur hela komunidade sira iha Tasi-tolu Dili iha momentu balun liuba. Foto Suplay

Tempotimor (Dili)-Prezidente Repúblika (PR), Francisco Guterres 'Lú Olo' liuhosi mensajeN ba Parlamentu Nasionál (PN) kona-ba estensaun estadu emerjénsia ba dala-14, aproveita soe lia mós ba Figura Públika (FP) balun tanba la obedese ba regra governu nian liliu iha kombate Covid-19.

Tuir komunikadu imprensa ne’ebé www.tempotimor.com asesu katak, Prezidente Repúblika husu sidadaun hotu kumpri regra estadu emerjénsia, maibé iha figura balun kontinua halibur komunidade sira iha fatifatin ne’ebé kategória la hadomi povu, maski dehan hadomi povu nia saúde públika.

“Figura públika ho responsabilidade labele hateten, sira hadomi povu no preokupa ho moris-di’ak no saúde povu nian, maibé la kumpri fali regras bázika sira ba protesaun hanesan distansiamentu sosiál no uza máskara ka la respeita konfinamentu domisiliáriu, ho motivu ne’ebé de’it ka ho hanoin ba sira nia aan de’it. Halibur ho populasaun iha fatin públiku lahó máskara no lahó  distansiamentu sosiál sei la kontribui atu hapara vírus corona,  maibé sei loke dalan ba vírus aat ne’e hada’et liután husi ema ba ema,” dehan PR LU Olo liuhosi nia mensajem ba PN, Domingu (30/05).

Xefe estadu ne’e mós dehan, "Populasaun hanoin ba nia obrigasaun atu haktuir konfinamentu domisiliáriu, maibé figura públika ida halibur ho ema ka la'o ba-mai ho ema atu haksolok-nia aan de'it?", katak nia.

Aman ba nasaun ne’e mós preokupa tebes bainhira populasaun la respeita pesoál saúde ne’ebé tau matan no proteje sidadaun loroloron.

“Futuru saida mak país ne’e sei iha bainhira ema la respeita forsas defeza no seguransa?. Futuru saída mak ita sei hetan ba foinsa’e sira ne’ebé fila kotuk ba siénsia no monu lalais de’it  ba teoria nega de’it no ba konspirasaun no rumor  ne’ebé sira lee iha média sosiál?,” nia haktenik.

Lú Olo mós dezafia governu atu kombate grupu figura públika ida ne’ebé tenta dezvia husi desizaun governu nian.

“Governu labele hases-an husi sasukat ka médida sira ne’ebé nia rasik dekreta no labele mós husik grupu ne’ebé de’it hasees-an  no la respeita médida hirak ne’e. governu labele ejize atu taka tipu estabelesimentu komersiál ruma no husik estabelesimentu balun husi tipu ne’e kontinua loke nafatin ba públiku,” dehan Nia.

Xefe estadu ne’e akresenta, “Governu labele dekreta konfinamentu domisiliáriu jerál maibé husik fali ema irresponsável sira  prátika desportu, partisipa iha konsertu muzikál, halo serenata  kalan, ka lao bá-mai iha ema hothotu nia oin no polísia haree de’it", dehan PR Lú Olo.

Entretantu observasaun www.tempotimor.com nian iha terenu nota katak, figura públika ne’ebé dadaun ne’e halibur komunidade iha fatifatin mak atuál Prezidente partidu Kongresu Nasionál Rekonstrusaun Timor (CNRT) Kay Rala Xanana Gusmão, laiha tan lider seluk.(*)

Rate this item
(5 votes)
Last modified on Monday, 31 May 2021 14:00
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter