Print this page

PLP-UDT Husu Governu Rekruta Membru Foun PNTL

Deputada PLP, Maria Angelina Sarmento Lopes. Deputada PLP, Maria Angelina Sarmento Lopes. Foto Suplay

Tempotimor (Dili)-Bankada Partidu Libertasaun Popular (PLP) no Uniaun Demokrátiku Timorense (UDT) husu governu atu rekruta membru foun Polísia Nasionál Timor-Leste (PNTL), hodi maximaliza servisu seguransa iha rai laran.

Deputada PLP, Maria Angelina Sarmento Lopes, hatete governu presiza rekruta, tanba  númeru Polísia la sufisiénte atu kobertura área sira.

“Ámbitu estensaun estadu emerjénsia no serka sanitária, bebeik, mak halo ita-nia elementu polisia sira la to'o atu halo kobertura ba área sira ne'ebé krítiku, ami husu atu governu bele loke fali rekrutamentu ba polísia foun sira”, dehan nia iha plenáriu Parlamentu Nasionál (PN) segunda (31/05).

Mesmu rekrutamentu ne'e labele realiza iha tinan 2021, maibè tinan 2022 governu bele tau orsamentu atu halo rekrutamentu.

Entretantu Deputadu UDT, Francisco David mós husu governu atu loke vaga ba membru polísia presiza hatene kandidatura sira-nia background.

“Test ba ema ne'ebé kandidata (calon) ba PNTL, buka tuir husu sira-nia beiala, sira-nia viza avo, no sira-ninia inan aman, tanba barak ne'ebé agora sei milísia hela iha atambua”, afirma nia. (*)

Rate this item
(0 votes)
Last modified on Monday, 31 May 2021 13:49
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items