“Hetan ona aprovasaun projetu Rezolusaun Governu nian ne’ebé mantein impozisaun serka sanitária nian iha Munisípiu sira Bobonaru, Kovalima no Dili ba loron 14 tan e no munisípiu sira Baukau no Vikeké ba loron 7 tan”, dehan Ministru Prezidensia Konsellu Ministrus, Fidélis Leite Magalhães, iha Ministériu Finansas, segunda (31/05).

Iha ne’e kontinua bandu sirkulasaun ema nia husi munisípiu id aba Munisípiu seluk, maibé sirkulasaun komunidade sira bainhira kazu fundamentál no esensiál.

“Bandu sirkulasaun ema nian entre munisípiu sira-ne’e no sirkunskrisaun administrativa sira-seluk, exetu iha kazu hirak ne’ebé ninia fundamentu forte tanba razaun seguransa públika, saúde públika, asisténsia umanitária, manutensaun sistema abastesimentu públiku, ka razaun seluk ne’ebé presiza atu hala’o ba interese públiku nian”, dehan nia. (*)