Login to your account

Username *
Password *
Remember Me

RDDU Ejize PM Taur Remodela Kargu Komisiáriu PNTL

Membru Rede Defensór no Diretu Umanu (RDDU) hala'o hela konferensia imprensa iha salaun Yayasan Hak farol, domingu (6/6). Membru Rede Defensór no Diretu Umanu (RDDU) hala'o hela konferensia imprensa iha salaun Yayasan Hak farol, domingu (6/6). Foto Tempo Timor

Tempotimor (Dili)- Rede Defensór no Diretu Umanu (RDDU) ejize Primeiru Ministru (PM), Taur Matan Ruak, nu’udar Ministru Interior atu remodela kargu Komisiáriu Polísia Nasionál Timor-Leste (PNTL) hodi hatudu imajen di’ak ba públiku.

Portavoz RDDU, Ivo Colimau Lai, hatete, presiza halo remodelasaun ba kargu Komisáriu iha instituisaun PNTL atu nune'e hatudu imajen foun ba públiku.

"Husu ba Ministru Interior no aumesmu tempu hanesan mós xefe governu, atu halo remodelasaun totalmente ba kargu atual iha komandu PNTL, hahú husi Komisáriu Jerál PNTL, atubele lori filafali imajen foun PNTL iha ninia papel”, dehan nia liuhusi Konferensia imprensa iha salaun Hak Farol, domingu (06/06).

Nune'e mós halo remodelasaun ba kargu atuál sira hanesan komandu Munisípiu komandante Kompaña, Komandante Seksaun, Komandante Pelotaun, inklui komandante eskuadra sira.

Tanba ne’e, RDDU inklui FONGTIL sei kontinua ejize ba Ministériu Públiku hodi loke prosesu investigasaun ba ekipa patrollamentu husi eskuadra na’in feto, ne’ebé iha momentu ne'eba marka prezensa iha fatin akontesimentu, hafoin oknum polísia tiru sidadaun na’in-3 iha Lahane Osidental.

RDDU mós konsidera membru sira husi eskuadra na’in feto servisu la profisionál no la trava autor krime refere, hodi bele realiza ninia aktu krime refere.

"Se iha momentu ne'eba sira mais agresivu, mais profisionalizmu, sira sei la autoriza no bandu ou trava autor refere aproxima ka ba tama iha vítima sira-nia rezidénsiaiha tempu kalan. Ne’ebé prosesu investigasaun ne'e tenke mós loke ba membru eskuadra na’in feto, ne’ebé halo patrollamentu iha ne'eba”, hatete nia. (*)

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter