Tanba ne’e, Timor-Leste sei partisipa simeira ne’ebé hala’o iha nasaun Angola, loron 17 fulan-jullu tinan 2021 hodi ko'alia kona-ba mobilidade atu sidadaun bele livre ba mai.
"Simeira ne'e ajenda importante ida mak atu ko'alia kona-ba mobilidade, oinsá sidadaun CPLP atu livre la'o ba mai, hanesan estudante sira la'o ba mai eskola la presiza vistu, la presiza trata sasán oioin ba sira ne'ebé mak hakarak eskola iha Portugál no seluk tan”, dehan Adalsija Magno iha Gabinete rezidénsia Farol, segunda (07/06).
Iha reuniaun CPLP oportunidade mós ba Timor-Leste hodi ko'alia kona-ba assuntu tékniku no nível Ministériu.
"Sim, ne'e ba ne'ebá sei iha reuniaun husi nível tékniku, nível Ministru Negósiu Estranjeiru depois nível Governu no Xefe Estadu”, informa nia.
Ajenda mobilidade ne'e aprova ona iha reuniaun Konsellu Ministru CPLP iha fulan-dezembru tinan 2021 liuhusi virtuál no hein legalizasaun husi nasaun CPLP iha Angola. (*)
