Ministru Transportes no Komunikasaun (MTK), José Agustinho da Silva hatete, Xefe Governu hanesan mós Interior sei utiliza ró refere hamutuk ho Polisia Nasional Timor-Leste (PNTL).
"Klaru iha pedidu ne'ebé mak ha'u simu horseik segunda (07/06/). Ha’u simu sua eselénsia PM rasik nu'udar mós Ministru interiór ho Komisáriu no PNTL ho komitiva iha di'ak (11-12/06) halo vizita traballu ba Ataúro”, informa José Agustinho iha Gabinete PM, tersa (08/06).
Maske kondisaun Ró transip-2 ne’ebé públiku kestiona durante ne'e, maibé hetan ona inspesaun husi diresaun Nasional marítima hatudu rezultadu di’ak.
"Ro ne'e nia kondisaun di'ak ka lae?. Ne'e kompeténsia própriu Diresaun nasionál transporte Marrítima atubele halo inspesaun, agora rezultadu inspesaun dehan di'ak. Ha'u hanoin parte ita sira ne'e deklara katak kondisaun ró ne'e di'ak ka lae?. Tanba atu halo ida ne'e tékniku mak halo”, afirma nia.
Ró transip-2 temporariamente asegura konektividade Marrítima ho kapasidade tula pasajeiru hamutuk 300 nomós sasán ho todan 1.058 tonelada. (*)
