“Ohin ne'e Ministériu mai partisipa audénsia ho komisaun A hodi aprezenta motivu de revizaun ba lei eleitorál tolu. Ami hahú ona halo diskusaun ba lei tolu ne'e. Lei orgaun de admisaun eleitorál, lei resenseamentu eleitorál, no lei ba eleisaun prezidénsial”, dehan Ministru Administrasaun Estatál, Minguel Pereira de Carvalho iha PN, tersa (08/06).

Tanba audénsia lei orgaun administrasaun eleitorál, no lei resenseamentu eleitorál, inklui lei ba eleisaun prezidénsiál.

Husi revizaun ne'ebé MAE aprezenta ba Komisaun A ne'e importante, tanba bele fó baze fundamental ba orgaun administrasaun eleitorál sira, liliu Sekretariadu Tékniku Administrasaun Eleitorál (STAE) no Komisaun Nasionál Eleisaun (CNE) hodi hala'o atividade.

Nune’e Prezidente komisaun A, deputadu Joaquin dos Santos hatete, pakote lei eleisaun prezidénsia ne'e, komisaun hahú halo audénsia ho governu no semana oin sei aprova relatóriu hodi haruka ba meza PN.

Tanba, husi lei hirak ne'e tama ona iha pakote prioridade komisaun A ne'ebé, sei aselera prosesu, tanba tinan 2022 sei iha eleisaun prezidensial. (*)