Print this page

CNC Husu MAE Aprezenta Lalais Lei Arkivu ba PN

Diretór Ezekutivu Centro Nacional Chega (CNC), Hugo Maria Fernandes ko'alia hela ba media sira iha Parlamentu Nasional, sesta (11/06). Diretór Ezekutivu Centro Nacional Chega (CNC), Hugo Maria Fernandes ko'alia hela ba media sira iha Parlamentu Nasional, sesta (11/06). Foto tempo Timor

Tempotimor (Dili)-Diretór Ezekutivu Centro Nacional Chega (CNC), Hugo Maria Fernandes, husu ba Ministériu Administrasaun Estatál (MAE) atu aprezenta lalais dekretu lei arkivu Timor-Leste ba Parlamentu Nasionál.

“Ohin ami mós hato'o katak se bele Parlamentu Nasionál husu ba Ministériu Administrasaun Estatál, bele aprezenta lalais lei arkivu ne'e, mai iha PN atubele aprova”, dehan nia iha hafoin hasoru malu ho deputadu sira husi Bankada Fretilin iha PN, sesta (11/06).

Tanba pozisaun CNC mós haree estabelesimentu Lei Arkivu ne'e rasik bele ona asegura arkivu hothotu iha Timor-Leste, tanba durante ne’e seidauk iha lei.

Durante ne'e Timor-Leste seidauk iha polítika atu hari’i lei arkivu Nasionál, tanba ne'e iha instituisaun barak mak agora dadauk rai hela arkivu no arkivu barak mak sei iha hela rai liur.

Maibé, kestaun ne'e rasik, deputadu sira mós levanta ona iha plenária PN kona-ba oinsá Timor-Leste atu kria polítika ba arkivu iha futuru. (*)

Rate this item
(0 votes)
Last modified on Monday, 14 June 2021 13:27
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items