Ministru Francisco fó desizaun hafoin rona aprezentasaun kona-ba preparativu liga ho servisu Inspesaun no Auditoria husi Gabinete Inspesaun liuhusi iha Gabinete MAPKOMS, Palásiu Governu, kinta (10/06).
“Prioridade ida entre prioridade sira seluk iha Ministériu mak tenke hadi’a uma laran, tanba ne’e mak ejisténsia Gabinete Inspesaun nian atu asegura hodi halo kontrolu internu ho kualidade, liliu akompaña funsionamentu hosi servisu sentral nian no organizmu sira ne’ebé tutela ba Ministru”, dehan nia.
Husu mós ba Gabinete Inspesaun tau atensaun ba organizmu sira ne’ebe tutela ba MAPKOMS, hanesan RTTL.ep, atubele hatudu rezultadu servisu, nune'e transmite ba organizmu administrasaun iha MAPKomS, oinsá bele assegura funsionamentu lolos hosi servisu sira no organizmu sira Ministériu nian.
"Bainhira Ekipa Gabinete Inspesaun nian tun ba halo inspesaun no auditória ruma, labele ba julga ema, maibé atu ba deteta iregularidade ruma ka inkumprimentu ba lei, prosedimentu ka regra sira, atu nune’e propoin medida sira ne’ebé los atu adota”, hatete nia.
Iha fatin hanesan, Inspetór Gabinete Inspesaun, Orlando da Conceição hatete, prioriodade servisu inspesaun no auditória sira ne’e, sei hala’o uluk ba organizmu, RTTL.ep.
Ho ida ne'e, ezekusaun trimetre daruak to’o trimester dahaat iha tinan 2021 nian, husi Gabinete inspensaun sei intorduz preparativu sira.
"Gabinete Inspesaun halo ona koordenasaun ho Inspetor Jerál Estadu, atu haree hamutuk metodolijia ba Inspesaun no Auditoria nian”, dehan nia.
Iha oportunidade ne’e, ekipa hosi Unidade Servisu Inspesaun no Unidade Servisu Auditoria Interna nian, aprezenta Giaun servisu Inspesaun no Auditoria nian ba RTTL.EP, ne’ebé sei hala’o iha tempu besik atu verifika lejitimidade, legalidade no regularidade ba aktu no prosedimentu administrativu, dezempenu rekursu umanu nian, funsionamentu estrutura organizasaun. (*)