“Ohin (14/06) mai aprezenta ba PM ho ekipa diresaun Jerál abitasaun no urbanizmu nomós ekipa konsultan kona-ba estudu polo dezenvolvimentu ba rejiaun tuan Batugade no Baukau ne'ebé mak nia prosesu tenderizasaun hala'o ba dala tolu foin mak hetan kondultór ne'ebé mak kualifikadu bele hala'o ida ne'e”, dehan Salvador Pires iha Palásiu Governu, segunda (14/06).
Estudu Polo ne'e dezenvolvimentu ida ne'ebé fornese rote-Map ida ba governu atu halo investimentu iha área kona-ba designadu atu lori dezenvolvimentu besik ba komunidade sira, inklui rejiaun seluk ne'ebé mak seidauk realiza.
Tanba polo ne'e zona eskluzivu dezenvolvimentu ne'ebé hakarak realiza bainhira estudu nia rezultadu hatudu ona rote-map ba investimentu.
“Klaru que investimentu ida ne'e sei iha rekomendasaun lubuk ida hanesan zona industria no komponente seluk tan ne'ebé investe iha estudu ne'e”, afirma nia
Polo Dezenvolvimentu ne'e, foin mak aprezenta ba Primeiru Ministru no relatóriu pre-liminariu sei konklui finál iha fulan-novembru tinan 2021. (*)