“Filafali hahán hemu nian ne'e, ita-nia ema sira ne’ebé mak izola iha ne'eba ne'e, loron ida hemu be aqua kuartel ne'e ida de'it, ha’u husu ba señora saúde ne'e, imunidade ne'e mai husi vasina ga mai husi hán ho hemu, se mai husi hán ho hemu entaun presiza fó hán hemu di’ak ba ita ema sira. Ha’u la fiar katak atu responde imunidade ba umanu nian hau la fiar”, hatete nia liuhusi deskusaun estratejia prevensaun covid-19 iha plenária PN, segunda (14/06).
Tanba ne'e husu ba governu atu utiliza orsamentu ne’ebé Parlametnu Nasional aprova hodi sosa hahán di’ak ba povu sira ne’ebé pozitivu iha izolamentu.
“Fó hán sira fó hemu sira, para imunidade di'ak, ita ko’alia buat ne’ebé klaru. Pergunta ida ne'e favor ida ita-boot sira responde mai ha’u para ha’u bele komprende didi’ak”, hatete nia.
Entrentantu Ministra Saúde (MS), Odete Maria Freitas Belo hatete, kona-ba kestaun vasinasaun imunidade ne'e iha vantajen no dezvantajen.
"Vantajen no desvantezen vasina, ninia vantajen barak liu, mak ita labele mate ou labele moras todan ou labele baixa ospitál, e la presiza uza ventilator. Dezvantajen iha, bainhira reasaun balun iha, maibé ninia benifisiu ne'e boot liuba ita sira ne’ebé mak hetan vasina”, dehan nia.
Bainhira sidadaun sira simu vasinasaun konsege pursentu hitunolu (70%) ba leten ida ne'e sei proteze sira imunidade hasoru covid-19. (*)