“Konsellu Ministrus deside ona hodi la renova impozisaun konfinamentu domisiliáriu jerál husi populasaun Munisípiu Dili nian”, deklara Ministru Prezidénsia Konsellu Ministrus, Fidélis Leite Maghalães, iha ministeriu finansas aitarak laran Dili, kuarta (16/06).

Sorumutuk ne’ebé hala’o loron 16 fulan-juñu tinan 2021, Sentru Integradu Jestaun ba Krize (SIJK) ne’e sei iha reprezentante ida iha Sentru sira Kontrolu Integradu nian ne’ebé bele simu subdelegasaun kompeténsia ida hodi autoriza sirkulasaun iha territóriu nasionál.

Maibé autorizasaun sira ne’e dependente husi rezultadu negativu iha teste Covid-19 nian. No labarik sira ho idade tinan neen mai kraik no ema sira ne’ebé simu ona vasinasaun kompletu (hafoin simu doze rua) la presiza autorizasaun hodi sirkula iha territóriu nasionál. (*)