Ministru Prezidénsia Konsellu Ministru (MPKM), Fidélis Leite Magalhães hatete, sira aprova projetu rezolusaun Governu nian haat, ne’ebé aprezenta husi Ministru Administrasaun Estatál, Miguel Pereira de Carvalho, ba nomeasaun ema na’in-haat ba lidera munisípiu haat.
“Noemasaun Ernesto de Oliveira Barreto nu’udar Prezidente Autoridade Munisipál Bobonaru nian, Eusébio Salsinha, enkuantu Prezidente Autoridade Munisipál Ermera, Pedro Paulo Gomes ba Administradór Munisipál Likisá nian, no Bernardo Lopes ba kargu hanesan Administradór Munisipál Manatuto”, dehan Ministru Fídélis iha Ministériu Finansas iha Aitarak Laran, kuarta (16/06).
Hare husi nomeasaun ne’e akontese, tanba Prezidente autoridade no Administradór munispíu sira antes ne’e mandate remata ona.
“Nomeadu haat ne’e sei hala’o respetiva funsaun sira iha rejime komisaun servisu nian, ba períodu tinan lima, konta husi data simu pose nian”, afirma nia. (*)