“Halo aprovasaun mós ba projetu Rezolusaun Governu nian ne’ebé prosede ba definisaun montante pekuniáriu sira hodi selu husi kompensasaun ba utilizasaun terrenu sira ba implementasaun Projetu Sidade Universitária Aileu nian, ne’ebé aprezenta husi Ministru Ensinu Superiór, Siénsia no Kultura, Longuinhos dos Santos”, deklara Ministru Prezidénsia Konsellu Ministrus, Fidélis Leite Maghalães, liuhusi komunikadu, kuarta (16/06).
Sorumutuk ne’ebé hala’o loron 16 fulan-juñu tinan 2021, aprova mós rezolusaun rezolusaun Governu nian ne’e define pagamentu másimu ba metru kuadradu ida-idak, hodi halo kompensasaun ba família sira ne’ebé identifika hanesan titulár husi podér pose nian kona-ba terrenu sira ne’ebé abranje iha área implementasaun projetu nian.
"Ohin ha'u temi pagamentu másimu ba metru kuadradu idak idak ne'e ho montante US$3.00 iha Munisípiu Aileu iha Projetu sidade Universidade Aileu refere" hatutan nia
Aliende ne’e, define mós montante másimu sira hodi selu ba lakon konstrusaun no kultura agríkola sira. (*)