Tanba vizita ne’ebé deputadu Komisaun D halo Ba SEKoop hodi rona no haree lamentasaun ne'ebé iha atubele hato'o bele hato’o, tanba iha tinan 2021ne'e proposta lei ida, nomós lei komplementar 4 ne'ebé mak tama iha ajenda parte SEKoop nian.
“Entaun husu sira atubele akompaña, reforsa atu lei ne'e, kuandu ba parlamentu karik, sira bele sai hanesan autór ne'ebé mak bele ajuda aprova lei ne'e”, hatete SEKoop, Elizário iha kna'ar-fatin Akait, kuarta (23/06).
Maske lei komplementár 4 ne'ebé atu aprezenta iha tempu badak, nu'udár dekretu lei governu nian no governu mak iha konpeténsia liu atu halo aprovasaun.
Maibe, sujere ba deputadu komisaun D atubele akompaña no fó hanoin ruma kona-ba dekretu lei hirak ne'ebé karik sei lori ba Konsellu Ministru.
"Ida ne'e mak hanesan parte sekretária estadu husu ba atu parte komisaun D bele akompaña", haktenik nia.
Aleinde ne'e, tanba atividade SEKoop nian, servisu barak liu mak hala'o iha nível baze, husu deputadu Komisaun D atubele akompaña hodi hala'o mós fiskalizasaun.
“Ba futuru, ami husu nafatin atu komisaun bele akompaña servisu sira parte SEKoop nian iha nível baze, tanba atividade kooperativa barak mak hala'o iha territóriu tomak, e fiskalizasaun parte SEKoop nian mínimu, entaun presiza sira atu akompaña tan atu nune'e bele hala'o akompañamentu ne'ebé di'ak ba atividade kooperativa nian”, dehan nia.
Ba rekomendasaun ne'e, Prezidente Komisaun D PN, deputadu Antoninho Bianco hatete, Komisaun D simu no husu SEKoop atu hahú prepara proposta lei hodi ba halo diskusaun iha PN.
“Ami rona mós sira buat balu, liliu halo lei ba kooperativa ne'ebé uluk dekretu lei tenke atu muda fali, ba haloos lei, ho mós lei baze ba ekonómia, depois atu lori ba parlamentu”, dehan nia.
Tanba atu halo lei, SEKoop mós prepara ona atubele halo lei ne’ebé hanesan baze ba kooperativa. Mezmu dekretu lei iha ona, maibé buka tenke halo mellora tan lei. (*)