"Iha parte seluk balun ne'ebé mak simu dadauk tiha ona falta de koñesimentu ninian, entaun sira voluntariamente re-depozita filafali osan ida sira tiha ona 200.00 ne'e tanba sira la elezivel, sira fó filafali iha kaixa jerál estadu, liuhusi MSSI, dadus ikus liu ne'ebé mak iha por volta 70 itál”, informa Sergio Hornai iha Sekretáriu Estadu Juventude Desportu, Lesidere, kinta (24/06).
Tanba ema ne’ebé mak elezivel atu simu sai hanesan benefísiariu ba simu subsídiu ka remonerasaun ne'ebé atribui ba benefísiáriu sira, maibé sira ne'ebé la elezivel lei hatete ema ne'ebé hetan rendimentu superiór, ás liuUS$500.00 ba leten la'ós komulativu.
"Ema sira ne'e providu atu simu osan ne'e, taun medida sira ita halo iha terrenu hatudu katak ema lubuk oan ida ho voluntariamente hakarak koopera ho Ministériu Solidariedade Sosiál no Inkluzaun (MSSI) la pedidu atu simu osan 200.00 ne'e”, hatete nia.
Ekipa KAK durante inspesaun no monitorizasaun ne'e, konsege trava imediatamente benefísiariu ne’ebé la sujeita ba direitu atu asesu ba subsídiu hamutuk 1927 ne’ebé ekivalente ho osan valor US$385.400.00. (*)
