Maske, Parlamentu Nasionál (PN) liuhosi reuniaun konferénsia líder bankada iha loron sesta (25/06), planu atu koloka ajenda diskusaun proposta lei enkuadramentu ba plenáriu tersa (29/06), maibé sei hein governu pronunsia desizaun.
Tuir ajenda iha loron tersa (29/06), governu sei halo diskusaun kona-ba jornada orsamentál nian, ne'ebé sei realiza iha Ministériu Finansa (MF), durante loron tomak.
“Lei enkuadramentu legál ba orsamentu nian ne'ebé mak sira ajenda ba tersa (29/06) maibé ha’u informa ba sira katak, tersa iha jornada orsamentál iha ministériu finansa, dadersan to'o lokraik, tanba ne'e mak difísil uituan atu mai iha ne'e, maibé parlamentu, sira sei hein filafali”, informa Ministru Francisco Jerónimo, iha PN, sesta (25/06).
Aleinde ne’e PN mós konfirma pozisaun governu ba aprovasaun pakote lei eleitorál tolu maibé governu aseita.
“Di'ak enkontru ohin ho líder bankada sira ne'e, atu konfirma de'it pozisaun governu nian ba relasaun ho lei ne'ebé atu aprova iha loron segunda (28/06) kona-ba pakote lei eleitorál nian”, hatete nia. (*)