Tuir informasaun ne’ebé www.tempotimor.com asesu katak, objetivu prisipál husi sorumutu ne’e oinsá atu define prioridades no senáriu tetu fiskál ba Orsamentu Jerál Estadu (OJE) tinan 2022 nian.

Nune’e, governu liuhusi Ministériu Finansas (MF) konvida governante sira, prezidente autoriedade no administradór sira, ajénsia autónomu, diretór jerál no nasional sira hodi partisipa iha sesaun kona-ba define prioridade sira iha jornada orsamentál tinan 2022 nian ne’ebé ho tema “Kualidade orsamentu, Kresimentu inkluzivu no Sustentável” ne’ebé hala’o iha salaun Kayrala Xanana Gusmão, edifísiu Ministériu Finansas Aitaralk laran Dili.

 Ministru Finansas, Rui Gomes hateten sorumutu ne'e hanesan pontu partida husi prosesu orsamentál ba preparasaun no elaborasaun proposta OJE tinan 2022.

"Hanesan pontu importante, ne'e kompeténsia husi Konstituisaun RDTL fó mai governu ne'ebé Governu sei submete ba orgaun lejisladór atu aprova" dehan Rui Gomes, Tersa (29/06).

Entretantu, ba sotumutu konsulta no disksaun ba jornada orsamentál 2022 ne’e ofesialmente loke husi Primeiru Ministru (PM) Taur Matan Ruak.(*)