Xefe Bankada Bankada CNRT, Duarte Nunes hatete, governu labele halimar ho vírus Variante Delta tanba sei fó perigu ba povu nia moris.

“Corona foun ka variante ne'e kan mai hosi liur, se kuandu mai husi liur, siknifika katak ita kontrola maka’as ema mai husi liur ne'e, labele husik, tanba ita hakarak ne'e moras ne'e iha ne'e para ita aproveita situasaun, entaun ita mak halimar fali ho moras ne'e, lori susar mai povu”, deklara Duarte iha PN, sesta (02/07).

Maske, governu liuhosi reuniaun Konsellu Ministru (KM) deside aplika kuarantena ba sidadaun sira husi estranjeiru tama iha Timor-Leste, maibé governu tenke tetu tanba moras ne'e ninia transmisaun sei lori risku.

Bainhira governu hakarak simu ema husi liur, tenke garante uluk kondisaun ba sira, se laiha, di’ak liu taka fronteira labele hatama sidadaun mai husi nasaun infetadu Variante delta. (*)