“Governu Estadus Unidus, liuhusi USAID, servisu hamutuk iha parseiru ho governu Timor-Leste hodi apoiu baze ne'ebé luan no dezenvolvimentu ne'ebé efetivu. Dezde tinan 2001, USAID fornese besik millaun US$350 iha asisténsia ba dezenvolvimentu Timor-Leste USAID apoiu Timor-Leste nia esforsu hodi hari’i nasaun ne'ebé demokrátiku, saudável no prosperu liuhusi programa ne'ebé mak haforsa kreximentu ekonómia ne'ebé inkluzivu no sustentável”,, informa Embaixadór EUA, Kevin Blackstone, liuhusi karta komunikadu ne'ebé www.tempotimor.com asesu iha loron sesta (02/07).
Apoiu finanseiru hirak ne'e, foka espesiál ba seitór agrikultura no turízmu, hadi'a saúde povu Timor-Leste nian, partikularmente feto no labarik, haforsa fundasaun ba boa governasaun.
“Área hotu ne'ebé mak marka iha Timor-Leste nia planu estratéjia dezenvolvimentu 2013 to'o 2030 no sei serve ba halo nasaun bele reziliénsia liután iha futuru”, dehan Kevin. (*)