“Tan ida ne'e ha'u dehan, hotu lalais, di'ak liután. La'ós hakarak lalais. Maibé, tanba kleur tiha ona. Ita se kontinua ba fronteira marítima. Ha'u bele hatete, loron aban sei di'ak liután,” hatete Xanana bainhira sorumutu ho Ministru Koordenadór asuntu Polítika, Justisa no Seguransa Indonézia nian,
Wiranto. Sorumutu ne'ebé realiza iha ninia servisu fatin, Segunda (22/07/2019), Ministru Wiranto hetan akompaña hosi Ministru Negosio Estranjeiru Indonézia nian, Retno Marsudi.
Tuir Wiranto, Indonézia konkorda ona kona-ba liña fronteira terrestres ho Timor-Leste. “Tanba, ita resolve ona ‘unresolved segment’ ida ne'e, negosiasaun kona-ba fronteira terrestres hotu ona em prinsípal,” Wiranto informa ba jornalista.
Ba oin, tuir Wiranto, Indonézia ho Timor-Leste sei tuur hamutuk fila-fali atu ko'alia kona-ba liña fronteira marítima nasaun rua ne'e ninian.
"Ami komesa ko'alia liña marítima, bainhira baze liña terrestres hotu. Bainhira fronteira terrestres lahotu, ami labele ko'alia liña fronteira marítima. Tanba, nia ‘checking point’ ne'e, iha liña fronteira terrestres,” Wiranto esplika.
Liña fronteira terrestres ne'ebé hetan ona konkordansia mak area Noel Besi-Citrana ho Bidjael Sunan-Oben. Fronteira Noel Besi-Citrana tama iha area Distritu Kupang, NTT ne'ebé baliza ho Oecusse-Ambeno, Timor-Leste.
Entretantu, area Bidjael Sunan-Oben tama iha area Manusasi, Distritu Timor Tengah Utara, NTT. (vivanews/*)